Wang og H&M með partý á Coachella

Nýjustu stórfréttir í tískuheiminum litu dagsins ljós um helgina þegar hönnuðurinn vinsæli Alexander Wangtilkynnti samstarf sitt við sænska verslanarisann Hennes og Mauritz.

Stjörnuhönnuðurinn blés svo til partýs til að fagna samstarfinu á tónlistarhátíðinni Coachella sem fer fram um þessar mundir í Kaliforníu. Meðal þeirra sem mættu var leikkonan Kate Bosworth og Margareta van den Bosch, yfirhönnuður H&M . 

Mikil eftirvænting ríkir um væntanlega fatalínu Wang fyrir sænsku verslanakeðjuna en hún á að koma í búðir þann 6.nóvember næstkomandi. 

Þetta er í tíunda árið sem verslanarisinn fer í samstarf við þekktan fatahönnuð eða stjörnu. Þeir sem hafa hannað fatalínur fyrir H&M eru meðal annars Madonna,Stella McCartney, Maison Martin Margiela og nú síðast Isabel Marant.