Leonardo DiCaprio stígur trylltan dans á Coachella

Stórleikarinn Leonardo DiCaprio skellti sér á Coachella-tónlistarhátíðina í Kaliforníu um helgina.

Hann huldi andlit sitt í hvert sinn sem hann sá ljósmyndara en varð ekki var við það þegar aðdáandi hans tók hann upp þegar hann var að dansa við dúndurtóna hljómsveitarinnar MGMT.

Eins og sést í meðfylgjandi myndbandi er Leonardo ansi lunkinn dansari og með mjaðmahreyfingarnar alveg á hreinu.

Leonardo var langt því frá að vera eina stjarnan á svæðinu. Selena Gomez, Kendall Jenner, Jared Leto og Katy Perry voru til að mynda einnig gestir hátíðarinnar sem hófst síðustu helgi og heldur áfram næstu helgi.