Sport

Halldór og Eiríkur taka þátt á AK Extreme

Stefán Árni Pálsson skrifar
Halldór Helgason verður á staðnum.
Halldór Helgason verður á staðnum. mynd/már einarsson
Nokkrir af okkar bestu snjóbrettaköppum taka þátt á Snjóbretta- og Tónlistarhátíðinni AK Extreme sem haldin verður dagana 3.–6. apríl á Akureyri.

Þar á meðal eru þeir Halldór Helgason, Eiríkur Helgason, Guðlaugur Hólm Guðmundsson og Einar Stefánsson og frá Austurríki koma þeir David Pils og Max Glatzl.

Hátíðin er haldin Hlíðarfjalli og í miðbæ Akureyrar nánar tiltekið í göngugötunni, Gilinu og Sjallanum. Hápunktur AK Extreme verður Big Jump/Gámastökks keppni Eimskips í gilinu á laugardagskvöldinu klukkan 21.00 en þar koma saman 20 færustu snjóbrettamenn Íslands og keppa um AK Extreme titilinn og hringinn.

Einnig verður boðið uppá tónleikadagskrá í Sjallanum fimmtudag, föstudag og laugardag en þar koma fram: 

Brain Police, Sólstafir, Highlands,Vök, Úlfur Úlfur, Gísli Pálmi, Kött Grá Pje, Emmsjé Gauti ,Últra Mega Techno Bandið Stefán, Endless Dark, Logi Pedro, DJ Thor, Larry Brd, Mafama,

Miðasala á tónlistarviðburði AK Extreme fer fram á midi.is, Brim Laugavegi og Kringlunni og í Eymundsson Akureyri.


Tengdar fréttir

Halldór fljótur að jafna sig

Halldór Helgason birti í gær nýtt myndband á síðu sinni þar sem hann bregður á leik í brekkunni í Stoneham í Kanada.

Ólympíudraumurinn dáinn - Halldór Helga situr eftir

Halldór Helgason verður ekki meðal keppenda á Vetrarólympíuleikunum í Sochi í Rússlandi en það var ljóst í kvöld þegar snjóbrettamaðurinn vinsæli komst ekki upp úr sínum riðli á móti í Stoneham í Kanada.

Mest lesið


Fleiri fréttir

Sjá meira


×

Mest lesið