"Hann hefur ekki enn skellt sér á skeljarnar"

Eva Laufey Kjaran Hermannsdóttir, gengur með sitt fyrsta barn, stúlku, sem væntanleg er í heiminn í júní. Hún vinnur um þessar mundir að nýjum sjónvarpsþáttum sem frumsýndir verða á Stöð 2 í byrjun apríl.

Eva dró þrjú spil úr Tarotbunka Vísis sem skoða má nánar hér neðar í frétt. Eftir tarotlesturinn spurðum við Evu hvort unnusti hennar til sjö ára, Haraldur Haraldsson nemi í Háskólanum í Reykjavík, væri nú þegar búinn að biðja um hönd hennar og hvort stóri dagurinn væri ákveðinn?

„Nei, hann hefur ekki enn skellt sér á skeljarnar blessaður svo það er ekki brúðkaup á dagskránni. Allavega ekki eins og staðan er í dag. Ég fer að reka á eftir honum,“ svarar Eva skellihlæjandi.



Heimsækir þjóðþekkta Íslendinga

Þegar talið berst að nýju sjónvarpsþáttunum segir Eva: „Við erum að vinna í því að finna nafn á þáttinn. Í þáttunum mun ég heimsækja þjóðþekkta Íslendinga og fara með þeim á bak við eldavélina. Við ætlum að elda saman og spjalla um lífið og tilveruna. Matreiðslu-og spjallþáttur saman í eitt.“

Tarotspilin á Visi - dragðu hér.

Bloggið hennar Evu - æðislegt matarblogg.