Anton Sveinn í úrslit á lokamóti NCAA

Anton Sveinn McKee, sundmaður úr Ægi, tryggði sér í dag sæti í úrslitasundi í 200 jarda bringusundi á lokamótinu í bandaríska háskólasundinu en úrslitamót NCAA fer fram um helgina í Austin í Texas.

Anton Sveinn náði þriðja besta tímanum í undanúrslitunum en hann kom í mark á 1.52.43 mínútum. 200 jarda bringusundið er hans aðalgrein en Anton Sveinn á best tíma upp á 1.51,59 mínútur.

Hann syndir úrslitasundið á miðnætti í kvöld að íslenskum tíma.  Mótið er mjög sterkt og meðal annars fell bandaríska metið í 100 jarda bringu (50,04 sekúndur) en Anton Sveinn endaði þar í 14 sæti og var rétt við sinn besta tíma.