Viðskipti erlent

Dýrasti seðill í heimi sleginn

Snærós Sindradóttir skrifar
Eins og sést minna núll seðilsins á vatnsmelónur
Eins og sést minna núll seðilsins á vatnsmelónur VÍSIR/aðsent

Seðlar og myntir seldust á Heritage Auctions uppboðinu í Flórída í Bandaríkjunum í liðnum mánuði fyrir yfir 105 milljónir dala, eða hátt í 12 milljarða króna, sem er metfjárhæð.

Á meðal uppboðsgripa var verðmætasti seðill sem nokkru sinni hefur verið seldur á uppboði, hinn þekkti 1000 dollara seðill frá árið 1890, sem oftast er nefndur „Grand Watermelon note“ vegna hönnunar á núllum sem skreyta bakhlið seðilisins, en þau þykja minna á vatnsmelónur.

Þessi seðill seldist á 3,3 milljónir dollara, eða um 370 milljónir króna. Sami seðill var seldur í einkasölu árið 2006 fyrir rúmlega 2,2 milljón dollara, sem þá var met.

Nýr kafli í goðsögnina
„Safnarar vissu að það var útilokað að þessi seðill kæmi á markaðinn aftur í bráð og buðu í hann í samræmi við það,“ segir Dustin Johnston, yfirmaður fágætra gjaldmiðla hjá uppboðsfyrirtækinu, í samtali við coinweek.com. 
„Niðurstaðan er súi að þessi gullfallegi pappírsmiði er nú sá verðmætasti í heiminum og nýr kafli hefur bæst í goðsögnina um hann.“
Uppboðið tók heila viku og á því voru boðin upp margar þekktustu og dýrmætustu myntir og seðlar sem þekkt eru í Bandaríkjunum. Þar á meðal var fyrsta gullmyntin sem slegin var fyrir Bandaríkin, svo kölluð Brasher Doubloon, handslegin árið 1787, en hún seldist á rúmlega 4,5 milljónir dollara, eða rúmlega hálfan milljarð króna.

Líflegt og blómlegt áhugamál
 „Mörg met voru slegin á uppboðinu og það á sér engin fordæmi í sögu seðla- og myntsöfnunar,“  sagði Greg Rohan, forstjóri fyrirtækisins. „Þessi niðurstaða sýnir vel hvað mynt- og seðlasöfnun er líflegt og blómlegt áhugamál í heiminum.“
Heritage Auctions er stærsta uppboðsfyrirtæki sinnar  tegundar í Bandaríkjunum, með árlega sölu upp á 800 milljónir dollara og yfir 800 þúsund aðilar bjóða í uppboðsmuni þess á netinu.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
KVIKA
0,78
4
241.107
HAGA
0,58
1
252
REITIR
0,33
4
31.487
ARION
0,25
3
15.919
REGINN
0,12
1
242

Mesta lækkun dagsins


Félag
Br.%
Fjöldi
Velta*
BRIM
-2,77
9
131.656
SKEL
-1,15
1
11.580
SYN
-0,94
4
25.388
FESTI
-0,59
1
25
VIS
-0,39
2
196
Velkomin á Vísi. Þessi vefur notar vafrakökur. Sjá nánar.