Nýr forstjóri ORF líftækni og Sif Cosmetics

Kristinn D. Grétarsson var áður forstjóri líftæknifyrirtækisins Mentis Cura ehf.

Kristinn er með mastersgráðu í viðskiptafræði og alþjóðaviðskiptum frá háskólanum í Alabama og dvaldi um 10 ár í Bandaríkjunum við nám og störf, fyrst hjá verslunarráði Alabama og síðan hjá Coldwater Seafood Corporation.

Hann hefur víðtæka stjórnunarreynslu í alþjóðaviðskiptum á heilbrigðissviði. Hann var framkvæmdastjóri fjármögnunar hjá Straumi Burðarási frá árinu 2006 til 2011 þegar hann tók við stöðu forstjóra Mentis Cura.

Kristinn gegndi stöðu framkvæmdastjóra Novartis Pharmaceuticals á Íslandi 2003-2006 og stýrði markaðsstarfi Taugagreiningar ehf. frá árinu 2000 til 2003. Kristinn situr í stjórn heilbrigðistæknifyrirtækisins Mint Solutions.