LeBron kennir nýju treyjunum um slæma hittni sína

Nýju NBA-treyjurnar með ermunum hafa slegið í gegn hjá NBA-aðdáendum en besti leikmaður deildarinnar, LeBron James, er ekki hrifinn af treyjunum.

James fann sig engan veginn í nótt er Miami Heat tapaði gegn san Antonio. Liðin spiluðu í treyjunum í leiknum og James kenndi treyjunni meðal annars um slæma hittni sína í leiknum.

"Ég er ekki að reyna að afsaka mig en ég er ekki hrifinn af þessum treyjum," sagði James sem skoraði 19 stig í 18 skotum.

"Í hvert skipti sem ég tek skot þá finnst mér treyja toga í mig undir handleggnum. Það munar um það í stökkskotunum. Þessar treyjur eru ekki að hjálpa."

Heat þurfti einnig að spila í þessum treyjum á jóladag og þá hitti James ekki úr neinu þriggja stiga skoti. Í eins treyjum á Stjörnuleiknum þá hitti James ekki heldur úr þriggja stiga skoti.