Héldu partý fyrir kvikmyndastjörnur

Kate Middleton og Elísabet Bretadrottning héldu partý fyrir kvikmyndastjörnur á mánudag. Veislan var til að fagna því að drottningin hefur verið verndari leiklistarskólans Royal Academy of Dramatic Arts í 60 ár. Meðal gesta voru Helen Mirren, Helena Bonham Carter, Uma Thurman, Joely Richardson, Joan Collins, Angela Lansbury, Roger Moore, Alan Rickman, Ralph Fiennes , Michael Sheen og Steve McQueen.

Kate klæddist notuðum rauðum kjól frá Alexander McQueen. Kate og drottningin hafa sjaldan haldið veislur saman og fjölmiðlar voru forvitnir að sjá hvernig samvinna þeirra lukkaðist. Það leit út fyrir að allt færi sómasamlega fram.