Ólafur valinn íþróttamaður ársins

Hafnfirðingurinn Ólafur Andrés Guðmundsson var á laugardaginn útnefndur íþróttamaður ársins á Norðaustur-Skáni. Valið var kunngjörnt á hófi þar sem gleðin var við völd.

Ólafur hefur farið á kostum með liði sínu IFK Kristianstad á tímabilinu en liðið er í toppsæti deildarinnar. Ólafur spilar stöðu vinstri skyttu og hefur farið fyrir liði sínu í markaskorun. Þá átti hann ágæta leiki með íslenska landsliðinu á Evrópumótinu í Danmörku í janúar.

Í myndbandinu hér að neðan má sjá þegar Ólafur veitti viðurkenningunni viðtöku. Undir hljómar slagarinn Jump með hljómsveitinni Van Halen.