Hótuðu að stinga leigubílstjóra með sprautunál

Par var handtekið í Hafnarfirði í gærkvöldi eftir að það neitaði að greiða leigubílstjóra fyrir akstur. Þegar bílstjórinn átti orðaskipti við fólkið vegna þess, hótaði það honum með notaðri sprautunál, en ekki kemur fram í skeyti lögreglunnar hvort það stakk hann eða ekki.

Fólkið var vistað í fangageymslum, en karlmaðurinn er auk þess grunaður um bílþjófnað.  Fíkniefnasali var svo handtekinn í miðborginni með töluvert af fíkniefnum á sér og svo var erlendur ferðamaður til vandræða á hóteli í miðborginni í nótt.

Hann reyndist undir áhrifum fíkniefna auk þess sem efni fundust í fórum hans.