"Fær alla þá sérfræðiþjónustu sem best er á landinu."

„Drengurinn Fær alla þá sérfræðiþjónustu sem best er á landinu. Umönnun og öryggisvistun,“ segir Bragi Guðbrandsson, forstjóri Barnaverndarstofu um unglingspiltinn sem var sakfelldur fyrir manndrápstilraun á níu ára stúlkubarni.

Í frétt Vísis í dag kemur fram að enn er verið að leita meðferðarúrræða fyrir drenginn. En það rétta er að öll úrræði liggja fyrir og fékk Barnaverndarstofu sérstaka fjárveitingu til þess að standa straum af kostnaðinum.

„Í kjölfar atburðarins sætti dregurinn öryggisvistun á stofnun á vegum Barnaverndarstofu þar til síðastliðið haust þegar sértækt úrræði sem ætlað er að duga til lengri tíma var tekið í notkun. Það úrræði byggir á viðeigandi öryggisvistun og sérfræðiþjónustu ásamt því að drengurinn mun njóta þeirra réttinda sem lög kveða á um m.a. á sviði menntunar, frístunda og menningar.“