Hrafnagengi gerir usla í æðarvarpi á Vestfjörðum

Svonefndir geldhrafnar, sem ekki eiga í sambandi við hrafna af gagnstæðu kyni, virðast vera búnir að mynda einskonar gengi á Vestfjörðum, sem fer um og gerir skipulegan usla í æðarvarpi.

Þetta kemur meðal annars fram í skýrslu félags Refa- og minkaveiðimanna í Ísafjarðarbæ fyrir síðasta ár og Umhverfisnefnd Ísafjarðarbæjar hefur til umfjöllunar.

Á vefnum BB.is kemur farm að hrafnarnir safnist fyrst saman og fari í varpið í grennd við Ísafjarðarbæ. Þegar skotið sé á þá þar, flytji þeir sig oftast yfir í Öndunarfjörð og haldi uppteknum hætti. Þaðan hörfi þeir svo yfir í Dýrafjörð, og svo koll af kolli suður með fjörðunum.