Innlent

Dönsuðu naktir í reykfylltum helli

Elimar Hauksson skrifar
Myndin tengist fréttinni ekki beint.
Myndin tengist fréttinni ekki beint. Mynd/getty
Svanur Gísli Þorkelsson, leiðsögumaður, greinir frá heldur einkennilegu atviki á bloggsíðu sinni en hann varð frá að hverfa með hóp ferðamanna vegna reykmengunar í hellinum Leiðarenda í vikunni.

 Hafði hópur Íslendinga kveikt varðeld innst inni í hellingum, sem er tæplega 900 metra djúpur. Að sögn viðstaddra dönsuðu Íslendingarnir síðan naktir í kringum varðeldinn þegar ferðamennirnir komu að þeim. Þegar leiðsögumaður hafði tilkynnt íslendingunum að þetta stórhættulega athæfi yrði tilkynnt til lögreglu, tóku þeir föt sín og flýttu sér af vettvangi.

 Gísli greinir frá því að hann hafi þurft að hætta við hellaferðina með ferðafólkinu enda geti gríðarleg hætta skapast af því að reykfylla helli.

 Nokkuð algengt er að ferðamenn sæki hellinn á leiðarenda en Gísli segir ferðamenn þá sem voru með honum hafa verið mjög undrandi yfir því að þarna hafi Íslendingar verið á ferð. Færsluna er hægt að lesa í heild sinni hér.

Mest lesið


Fleiri fréttir

Sjá meira


×

Mest lesið