Harður árekstur á Reykjanesbrautinni

Harður árekstur átti sér stað á Reykjanesbrautinni um kvöldmatarleytið þegar ökumaður keyrði aftan á kyrrstæðan bíl.

Umræddur bíll hafði áður ekið aftan á annan bíl sem hafði verið lagt út vegarkanti.

„Ég var að keyra á hægri akrein og sá ljóslausan kyrrstæðan bíl á vinstri akrein um 500 metrum fyrir framan mig, en á þessum kafla eru bílar oft á tíðum á um 100 kílómetra hraða. Vegna þess að ég hægði á mér tók annar bíll fram úr mér, en sá ökumaður hafði greinilega ekki tekið eftir kyrrstæða bílnum og keyrir aftan á miklum hraða,“ segir aðili sem varð vitni af árekstrinum í samtali við Vísi.

Betur fór en á horfðist og enginn slasaðist alvarlega í árekstrunum tveimur.