Spurt um uppruna peninga

Dönsk skattayfirvöld fóru í sérstakt átak til að kanna fjármagnsflutninga frá Danmörku til lágskattaríkja.

Ekkert hefur komið fram opinberlega um  hvort færslur íslenskra aðila hafi verið sérstaklega skoðaðar eða hverjar niðurstöður hafi verið hafi slík skoðun farið fram.

 Fjármála- og efnahagsráðuneytið  hefur sent fyrirspurn til danska skattamálaráðuneytisins varðandi  þetta mál en svör hafa enn ekki borist. 

Þetta er meðal þess sem kemur fram í svari ráðuneytisins við fyrirspurn Birgittu Jónsdóttur þingmanns Pírata. 

Þingmaðurinn spurði Bjarna Bjarna Benediksson fjármála  og efnahagsáðherra að því á þingi hvort að íslenskum eftirlitsaðilum væri kunnugt um niðurstöður rannsóknar ráðherra skattamála í Danmörku, sem boðuð var í nóvember 2006, á uppruna fjármagns sem Íslendingar notuðu til kaupa á stórfyrirtækjum í Danmörku?

Í svari ráðneytisins kemur ennfremur fram að hvorki ráðuneytinu né íslenskum skattyfirvöldum er kunnugt um niðurstöður boðaðrar rannsóknar ráðherra skattamála í Danmörku á uppruna fjármagns sem Íslendingar notuðu til kaupa á stórfyrirtækjum í Danmörku eða hvort slík rannsókn hafi farið fram.