Endurspeglar refsiþorsta yfirvalda í fíkniefnamálum

Helgi Hrafn Gunnarsson þingmaður Pírata segir að eins árs fangelsisdómur yfir spænskri stúlku sem var handtekin á Keflavíkurflugvelli í október fyrir fíkniefnasmygl endurspegli refsiþorsta yfirvalda í fíkniefnamálum.

Stúlkan var neydd til að smygla efnunum til landsins og taldi héraðsdómur að saga hennar væri trúverðug.

„Virðulegi forseti. Þetta er birtingarmynd refsiþorstans sem einkennir viðhorf yfirvalda til fíkniefnamála.Þessi dómur er ekki vegna geðþótta dómarans heldur vegna meðvitaðrar ákvörðunar löggjafarvaldsins. Katharine átti skilið hjálp en það mátti ekki einu sinni láta hana í friði. Nei, henni þurfti að refsa. Dæmi enginn kvalara hennar nema löggjöfina með,“ sagði Helgi Hrafn Gunnarsson á Alþingi í dag.