Tyrknesk vél lenti með veikan farþega

Farþegavél Turkish Airlines á leið frá Istanbul til New York þurfti að lenda á Keflavíkurflugvelli í gær vegna veikinda eins farþeganna. Tyrkneski fréttavefurinn Anadolu Agency greinir frá þessu.

Sjúkralið tók á móti manninum við lendingu og skömmu síðar hélt vélin áfram leið sinni.

Friðþór Eydal, upplýsingafulltrúi Isavia, staðfestir þetta í samtali við Vísi, og segir atvik sem þetta mjög algeng. Þau komi upp nær vikulega enda fari um 30 prósent flugumferðar yfir Atlantshafið nærri Íslandi.