Ótímabært að segja til um hvort verðtrygging verði afnumin

Katrín Jakobsdóttir, þingmaður VG, spurði fjármálaráðherra í óundirbúnum fyrirspurnartíma, út fyrirætlanir stjórnvalda er varða verðtyggingu – en hún lýsti einkum áhyggjum sínum af hugmyndum um að leggja blátt bann við 40 ára verðtryggðum lánum á lánamarkaði; sem hún segir eina möguleika þeirra tekjulágu til að eignast öruggt húsnæði. Hvort Bjarni teldi mögulegt að banna slík lán og hvort þá einhverjar aðgerðir væru fyrirliggjandi samhliða sem tryggði þessum hópi umræddum öruggt húsnæði, svo sem aðgerðir á leigumarkaði.

„Ég tel ótímabært að fullyrða nokkuð um getu okkar að afnema verðtryggingu að fullu. Leysist verkefni farsællega er hægt að tryggja fullnægjandi framboð lánamöguleika,“ sagðiBjarni Benediktsson fjármálaráðherra. Hann talaði þar með þvert á það sem fram kom í máli Sigmundar Davíðs Gunnlaugssonar í fyrirspurnartíma á þingi á mánudag en þá beindi Katrín spurningu til forsætisráðherra og spurði hann hvort hann teldi mögulegt að afnema verðtrygginguna á þessu kjörtímabili? Sigmundur Davíð taldi það vel mögulegt, og að því væri stefnt.