Leitin að Gunnari Loga bar ekki árangur

Leit að Gunnari Loga Jóhannesi Logasyni bar ekki árangur í dag en ekkert er vitað um ferðir hans frá 30. desember. Um kl. 15.20 var leit hætt á Kjalarnesi en einnig hafði verið leitað í Kollafirði og Hvalfirði.

Að leitinni komu, ásamt lögreglu, yfir hundrað manns frá björgunarsveitum, áhöfn þyrlu Landhelgisgæslunnar svo og tvær fisflugvélar. Ákvörðun um áframhald leitar mun verða tekin á mánudaginn.

Gunnar, sem er dökkhærður, er 186 cm á hæð en bifreið hans, svört Toyota Avensis árgerð 1998, fannst á Kjalarnesi á fimmtudaginn.

Lögreglan óskar eftir öllum upplýsingum sem gætu leitt til þess að Gunnar Logi finnist í síma 444-1000.