Innlent

Birkir Jón í framboð í Kópavogi

Kristjana Arnarsdóttir skrifar
Birkir Jón Jónsson, fyrrverandi alþingismaður og varaformaður Framsóknarflokksins, hefur ákveðið að  sækjast eftir því að leiða lista Framsóknarflokksins í Kópavogi í bæjarstjórnarkosningunum í vor. 

Birkir sendi frá sér fréttatilkynningu fyrr í dag:



Framundan eru bæjarstjórnarkosningar í Kópavogi. Mig langar til að hafa áhrif á þróun mála í Kópavogi og hef því ákveðið að bjóða mig fram til að leiða lista Framsóknarflokksins í næstu sveitarstjórnarkosningum.

 Ég ákvað sl. vor að hætta á Alþingi eftir 10 ára starf. Áður gengdi ég starfi aðstoðarmanns Páls Péturssonar, félagsmálaráðherra. Auk þess sat ég í bæjarstjórn Fjallabyggðar 2006 – 2010. Innan Framsóknarflokksins hef ég starfað lengi og var varaformaður flokksins 2009 – 2013. Ég er í sambúð með Svövu H. Friðgeirsdóttur og saman eigum við tvær dætur.

 Eftir samtöl við fjölmarga Kópavogsbúa að undanförnu er ég sannfærður um að öflugur listi Framsóknarflokksins geti náð góðum árangri í kosningunum í vor. Mikilvægt er að taka stjórn bæjarins  föstum tökum og þar mun Framsóknarflokkurinn leika lykilhlutverk fái hann umboð til þess.

Mest lesið


Fleiri fréttir

Sjá meira


×

Mest lesið