Norsku loðnuskipin búin að gefast upp á leitinni

Norsku loðnuskipin, sem voru að leita fyrir sér austur af landinu í gær, hafa öll gefist upp á leitinni og eru farin inn á Austfjarðahafnir.

Þar er víða þröng á þingi, því íslensku loðnuskipin eru þar öll, eftir að þau gáfust upp á leitinni og hafrannsóknaskipið, sem skráð er til loðnuleitar hefur legið í höfn á Akureyri svo dögum skiptir.

Sjómönnum þykir þetta orðið óvenjulegt ástand en vonast til að loðnan sé að þokast eftir grunnslóð suður með Austfjörðunum og birtist svo skyndilega austur af Hvalnesi, eins og hún gerði fyrir nokkrum árum.