Nokkuð um árekstra vegna hálku á Suðurnesjunum

Tveir ökumenn óku á ljósastaura, þriðji ók á skilti og fjórði á stein. Þetta er meðal umferðaróhappa sem urðu í umdæmi lögreglunnar á Suðurnesjum í vikunni og segir frá í tilkynningu. Flest óhöppin áttu sér stað í gær með þeim hætti að ökumenn misstu stjórn á bifreiðum sínum í hálku.

Þá varð árekstur í gær á hringtorgi skammt frá Flugstöð Leifs Eiríkssonar. Þar hafnaði bifreið aftan á annarri. Í hinni síðarnefndu voru þýskir ferðamenn, en engin slys urðu á fólki

Loks voru tveir ökumenn sektaðir fyrir að leggja bifreiðum sínum ólöglega og skráningarnúmer voru fjarlægð af þremur bifreiðum, einni sem var ótryggð og tveimur sem ekki höfðu verið færðar til skoðunar innan tilskilins tímaramma.