Þyrlan bjargaði vélsleðamönnum við Drekavatn

Tveimur karlmönnum var í gærkvöldi bjargað úr mjög hættulegum aðstæðum upp í þyrlu Landhelgisgæslunnar, sem flutti þá á öruggan stað og amaði ekkert að þeim. Þeir voru á vélsleðum við Drekavatn, austan við Þórisvatn á hálendinu, þegar þeir lentu úr í miklum krapa.

Annar sleðinn sökk næstum á kaf og hinn festist og teeystu mennirnir sér ekki til að vaða krapann út úr ógöngunum í náttmyrkrinu, kölluðu eftir hjálp og héldu kyrru fyrir á sleðunum.

Þyrlan var þegar mönnuð og björgunarsveitarmenn úr grennndinni lögðu líka af stað, en þegar í ljós kom hversu greiðlega gekk að bjarga mönnunum var þeim sveitum snúið við.