Fjalar gefur kost á sér í prófkjöri Sjálfstæðisflokksins í Mosfellsbæ

Fjalar Freyr Einarsson, grunnskólakennari hefur ákveðið að gefa kost á sér í 5. sæti í prófkjöri Sjálfstæðisflokksins í Mosfellsbæ sem fer fram 8. febrúar.

Fjalar er með B.Ed. gráðu í kennsluvísindum og hefur lengst af unnið sem kennari. Áður vann hann við ýmis sölustörf og var æskulýðsfulltrúi Húsavíkurkirkju um árabil.

Fjalar Freyr hefur gegnt ýmsum trúnaðarstörfum á vegum Félags grunnskólakennara, Gídeonfélagsins, Ungmennafélags Akureyrar o.fl. Hann er fulltrúi Íslands í vísindasamfélagi Scientix á vegum Evrópska skólanetsins (EUN) og er fulltrúi grunnskólakennara í Fræðslunefnd Mosfellbæjar.

Fjalar er kvæntur Dögg Harðardóttur hjúkrunarfræðingi og saman eiga þau tvo drengi.

Fjalar leggur áherslu á menntamál, kristna arfleifð íslenskrar menningar, umhverfismál og atvinnumál.