Múslimar eru líka glaðir

„Karlar og konur, ungir sem aldnir, svartir, hvítir og asískir, öll eru þau múslimar og öll eru þau glöð!“

Þetta er yfirskrift myndskeiðs af breskum múslimum að dansa við lagið „Happy“ með tónlistarmanninum Pharrel Williams.

Fólkið í myndbandinu, sem öll eru múslimar, dansar við lagið, brosir, syngur og hlær.

Það eru samtök ungra múslima í Bretlandi sem standa að gerð myndbandsins sem er að gera allt vitlaust í netheimum og nú þegar hafa yfir 300.000 manns horft á það.

Markmiðið með myndbandinu er að uppræta fordóma og sýna fram á að múslimar í Bretlandi eru nákvæmlega jafn hamingjusamir, mismunandi, skapandi, skemmtilegir og hressir og hver annar Breti.