Lögmenn gramir út í Hönnu Birnu Jakob Bjarnar skrifar 10. febrúar 2014 13:51 Hanna Birna og Helga Vala, sem telur af og frá að lögmenn séu frekir til fjársins þegar málefni hælisleitenda eru annars vegar. Hanna Birna Kristjánsdóttir innanríkisráðherra var í ítarlegu viðtali í útvarpsþættinum Bítið á Bylgjunni í morgun. Þar fór hún yfir málefni hælisleitenda á Íslandi og sagði meðal annars í því samhengi að kostnaður vegna hælisleitenda sé að verulegu leyti lögfræðikostnaður, auk húsnæðis og uppihalds. Þessi ummæli hafa fallið í grýttan jarðveg meðal þeirra lögmanna sem einkum hafa látið til sín taka í þessum málaflokki.600 milljónir ár ári Ef gripið er niður í viðtalið þá spyr Heimir Karlsson útvarpsmaður hvað þetta sé að kosta þjóðina? „Í dag er þetta kerfi að kosta okkur mjög mikið. Innanríkisráðherra, hvort sem það er ég eða einhver annar, hefur þurft að fara ítrekað inn í ríkisstjórn að fá aukið fjármagn. Við erum að greiða í þennan málaflokk um 600 milljónir á ári,“ segir Hanna Birna. Og hún heldur áfram þegar hún er spurð í hvað þeir fjármunir fari: „Hælisleitendur náttúrlega dvelja hér þannig að það er ákveðinn kostnaður sem fylgir því; húsnæði og uppihald og svo framvegis. Þeir eiga líka rétt á lögmanni í þann tíma sem þeir eru hér. Og lögmennirnir geta, það er bara lögum samkvæmt, það eru kærðar niðurstöður, fyrir það fá lögmenn greitt. Þannig að kostnaður af hálfu ríkisins er orðinn mjög mikill, hár og stór. Þannig að við verðum auðvitað að fara líka í gegnum það..“Lögfræðikostnaður stór þáttur kostnaðar Útvarpsmaðurinn biður Hönnu Birnu að staldra við: Bíddu, ég ætla nú aðeins að skilja þetta með lögmennina. Þannig að þegar lögmaður kærir fyrir hönd hælisleitanda ... „Þá fær hann greitt frá ríkinu. Fastar upphæðir fyrir kærur. Í hvert skipti fær hann náttúrlega lögmann sem hjálpar honum í gegnum kerfið okkar og það eru bara mannréttindi hans. Síðan, ef hann kærir niðurstöðu Útlendingastofnunar til innanríkisráðuneytisins, þá greiðum við fyrir það eða tökum þátt í því. Og ef hann kærir til æðra stjórnvalds og svo framvegis. Það er mjög algengt að það sé kært, þetta kæruferli er stór hluti af ástæðunni fyrir því að þetta tekur langan tíma. Og stór hluti kostnaðar.“Algjört kjaftæði Helga Vala Helgadóttir lögmaður segist ósátt við þessi ummæli í samtali við Vísi og hún veit að svo er um fleiri lögmenn sem hafa starfað að málefnum hælisleitenda: „Ef hælisleitandi er hér í 18 mánuði, sem er algengur tími, þá er lögmannskostnaðurinn 1/18 af kostnaði vegna þess hælisleitanda.“ Helga Vala fer ítarlega í saumana á þessu á Facebooksíðu sinni: „Yfirmaður hælismála á Íslandi gefur í skyn að stór hluti kostnaðar við að hafa hælisumsækjendur á Íslandi sé vegna lögmanna. Með ánægju segi ég henni hér að þetta er kjaftæði. Lögmenn fá 5 klst. greiddar fyrir vinnu sína á fyrsta stigi (á taxta ráðherra sem er 50% - 25% af algengum taxta lögmanna). Vinna lögmanna á þessu stigi er sjaldan undir 8 - 10 klst. Þetta vita allir sem koma að þessum málum og hefur verið viðurkennt bæði af starfsfólki Útlendingastofnunar og innanríkisráðuneytis en fæst ekki breytt. Þeir aumu lögmenn sem vinna þessi mál eru því ekki að þessu fyrir peninga heldur eitthvað allt annað. Á seinna stigi, kærustigi, eru að hámarki greiddar 20 klst.“250 þúsund til lögmannsins Helga Vala útskýrir að þar inni í felst ritun ítarlegrar greinargerðar ásamt heimildaöflunar, fjöldi funda og mætinga, túlkun sem tekur mikinn tíma, heimsóknir vegna umsókna um bráðabirgðaleyfi til atvinnu, læknisheimsóknir sem Útlendingastofnun óskar stundum eftir að lögmaður fari með umsækjanda í og samskipti við innanríkisráðuneyti, ríkislögreglu og Útlendingastofnun. „Samtals eru því greiddar 250 þúsund fyrir alla þessa vinnu sem varir oft mánuðum og jafnvel árum saman! Það hefur verið reiknað út að hælisumsækjandi kosti samfélagið um 250 þúsund kr. á mánuði (allt innifalið - þ.á.m. kostnaður við ÚTL og IRR) ... svo það má vera helvíti snögg málsmeðferð ef lögmannskostnaðurinn á að vera stór hluti af kostnaði við hælisumsækjanda.“ Mest lesið Fengu aðstoð sérsveitar og Gæslunnar við handtöku við Grímsvötn Innlent Arnar Þór vantaði sex meðmæli upp á Innlent Karlremba sé komin í tísku Innlent Svakalegt að sjá fylgisaukningu Höllu Hrundar Innlent Mennirnir tóku annan starfsmannanna hálstaki Innlent Voru með stæla og neituðu að fara upp úr fyrr en löggan mætti Innlent Fundu hræ fimm hvolpa í Mosfellsbæ Innlent Lögregla kölluð út vegna ungmenna til leiðinda í sundlaug Innlent Gefur lítið fyrir útskýringar fréttastjórans Innlent Vill að fréttastofa RÚV biðji Maríu Sigrúnu afsökunar Innlent Fleiri fréttir Íslandsferðin sem breyttist í martröð Fundu hræ fimm hvolpa í Mosfellsbæ Fengu aðstoð sérsveitar og Gæslunnar við handtöku við Grímsvötn Sigurvin dró smábát í land Vill að fréttastofa RÚV biðji Maríu Sigrúnu afsökunar Lögreglan lofar góðu vegaeftirliti á Suðurlandi í sumar Landskjörsstjórn tilkynnir á morgun hvaða listar eru gildir Mögulega að hægjast á landrisi í Svartsengi Karlremba sé komin í tísku Voru með stæla og neituðu að fara upp úr fyrr en löggan mætti Arnar Þór vantaði sex meðmæli upp á Sprengisandur: Peningastefna, ESB og lagareldi Lögregla kölluð út vegna ungmenna til leiðinda í sundlaug Svakalegt að sjá fylgisaukningu Höllu Hrundar Minni lyfjanotkun og meiri vellíðan í sérstöku heilabilunarþorpi Mennirnir tóku annan starfsmannanna hálstaki Líklegt að það styttist í brotmörk Helga lenti einnig í vandræðum Eiríkur og Ástþór fá frest til að bæta við undirskriftum Hættuástand í Grindavík og æsispennandi forsetakosningar Gefur lítið fyrir útskýringar fréttastjórans Handteknir á hlaupum eftir vopnað rán í Reykjavíkurapóteki Björk varar við frumvarpi um sjókvíeldi Uppgangur Höllu Hrundar fari fyrir brjóstið á „valdastéttinni“ Mikil gleði þegar Bergur komst í mark Segir engin annarleg sjónarmið að baki ákvörðun RÚV Hraun mjakast yfir varnargarð Ný gossprunga geti opnast fyrirvaralaust á næstunni Allt að gerast í Vík í Mýrdal um helgina Stór gossprunga gæti opnast fyrirvaralaust Sjá meira
Hanna Birna Kristjánsdóttir innanríkisráðherra var í ítarlegu viðtali í útvarpsþættinum Bítið á Bylgjunni í morgun. Þar fór hún yfir málefni hælisleitenda á Íslandi og sagði meðal annars í því samhengi að kostnaður vegna hælisleitenda sé að verulegu leyti lögfræðikostnaður, auk húsnæðis og uppihalds. Þessi ummæli hafa fallið í grýttan jarðveg meðal þeirra lögmanna sem einkum hafa látið til sín taka í þessum málaflokki.600 milljónir ár ári Ef gripið er niður í viðtalið þá spyr Heimir Karlsson útvarpsmaður hvað þetta sé að kosta þjóðina? „Í dag er þetta kerfi að kosta okkur mjög mikið. Innanríkisráðherra, hvort sem það er ég eða einhver annar, hefur þurft að fara ítrekað inn í ríkisstjórn að fá aukið fjármagn. Við erum að greiða í þennan málaflokk um 600 milljónir á ári,“ segir Hanna Birna. Og hún heldur áfram þegar hún er spurð í hvað þeir fjármunir fari: „Hælisleitendur náttúrlega dvelja hér þannig að það er ákveðinn kostnaður sem fylgir því; húsnæði og uppihald og svo framvegis. Þeir eiga líka rétt á lögmanni í þann tíma sem þeir eru hér. Og lögmennirnir geta, það er bara lögum samkvæmt, það eru kærðar niðurstöður, fyrir það fá lögmenn greitt. Þannig að kostnaður af hálfu ríkisins er orðinn mjög mikill, hár og stór. Þannig að við verðum auðvitað að fara líka í gegnum það..“Lögfræðikostnaður stór þáttur kostnaðar Útvarpsmaðurinn biður Hönnu Birnu að staldra við: Bíddu, ég ætla nú aðeins að skilja þetta með lögmennina. Þannig að þegar lögmaður kærir fyrir hönd hælisleitanda ... „Þá fær hann greitt frá ríkinu. Fastar upphæðir fyrir kærur. Í hvert skipti fær hann náttúrlega lögmann sem hjálpar honum í gegnum kerfið okkar og það eru bara mannréttindi hans. Síðan, ef hann kærir niðurstöðu Útlendingastofnunar til innanríkisráðuneytisins, þá greiðum við fyrir það eða tökum þátt í því. Og ef hann kærir til æðra stjórnvalds og svo framvegis. Það er mjög algengt að það sé kært, þetta kæruferli er stór hluti af ástæðunni fyrir því að þetta tekur langan tíma. Og stór hluti kostnaðar.“Algjört kjaftæði Helga Vala Helgadóttir lögmaður segist ósátt við þessi ummæli í samtali við Vísi og hún veit að svo er um fleiri lögmenn sem hafa starfað að málefnum hælisleitenda: „Ef hælisleitandi er hér í 18 mánuði, sem er algengur tími, þá er lögmannskostnaðurinn 1/18 af kostnaði vegna þess hælisleitanda.“ Helga Vala fer ítarlega í saumana á þessu á Facebooksíðu sinni: „Yfirmaður hælismála á Íslandi gefur í skyn að stór hluti kostnaðar við að hafa hælisumsækjendur á Íslandi sé vegna lögmanna. Með ánægju segi ég henni hér að þetta er kjaftæði. Lögmenn fá 5 klst. greiddar fyrir vinnu sína á fyrsta stigi (á taxta ráðherra sem er 50% - 25% af algengum taxta lögmanna). Vinna lögmanna á þessu stigi er sjaldan undir 8 - 10 klst. Þetta vita allir sem koma að þessum málum og hefur verið viðurkennt bæði af starfsfólki Útlendingastofnunar og innanríkisráðuneytis en fæst ekki breytt. Þeir aumu lögmenn sem vinna þessi mál eru því ekki að þessu fyrir peninga heldur eitthvað allt annað. Á seinna stigi, kærustigi, eru að hámarki greiddar 20 klst.“250 þúsund til lögmannsins Helga Vala útskýrir að þar inni í felst ritun ítarlegrar greinargerðar ásamt heimildaöflunar, fjöldi funda og mætinga, túlkun sem tekur mikinn tíma, heimsóknir vegna umsókna um bráðabirgðaleyfi til atvinnu, læknisheimsóknir sem Útlendingastofnun óskar stundum eftir að lögmaður fari með umsækjanda í og samskipti við innanríkisráðuneyti, ríkislögreglu og Útlendingastofnun. „Samtals eru því greiddar 250 þúsund fyrir alla þessa vinnu sem varir oft mánuðum og jafnvel árum saman! Það hefur verið reiknað út að hælisumsækjandi kosti samfélagið um 250 þúsund kr. á mánuði (allt innifalið - þ.á.m. kostnaður við ÚTL og IRR) ... svo það má vera helvíti snögg málsmeðferð ef lögmannskostnaðurinn á að vera stór hluti af kostnaði við hælisumsækjanda.“
Mest lesið Fengu aðstoð sérsveitar og Gæslunnar við handtöku við Grímsvötn Innlent Arnar Þór vantaði sex meðmæli upp á Innlent Karlremba sé komin í tísku Innlent Svakalegt að sjá fylgisaukningu Höllu Hrundar Innlent Mennirnir tóku annan starfsmannanna hálstaki Innlent Voru með stæla og neituðu að fara upp úr fyrr en löggan mætti Innlent Fundu hræ fimm hvolpa í Mosfellsbæ Innlent Lögregla kölluð út vegna ungmenna til leiðinda í sundlaug Innlent Gefur lítið fyrir útskýringar fréttastjórans Innlent Vill að fréttastofa RÚV biðji Maríu Sigrúnu afsökunar Innlent Fleiri fréttir Íslandsferðin sem breyttist í martröð Fundu hræ fimm hvolpa í Mosfellsbæ Fengu aðstoð sérsveitar og Gæslunnar við handtöku við Grímsvötn Sigurvin dró smábát í land Vill að fréttastofa RÚV biðji Maríu Sigrúnu afsökunar Lögreglan lofar góðu vegaeftirliti á Suðurlandi í sumar Landskjörsstjórn tilkynnir á morgun hvaða listar eru gildir Mögulega að hægjast á landrisi í Svartsengi Karlremba sé komin í tísku Voru með stæla og neituðu að fara upp úr fyrr en löggan mætti Arnar Þór vantaði sex meðmæli upp á Sprengisandur: Peningastefna, ESB og lagareldi Lögregla kölluð út vegna ungmenna til leiðinda í sundlaug Svakalegt að sjá fylgisaukningu Höllu Hrundar Minni lyfjanotkun og meiri vellíðan í sérstöku heilabilunarþorpi Mennirnir tóku annan starfsmannanna hálstaki Líklegt að það styttist í brotmörk Helga lenti einnig í vandræðum Eiríkur og Ástþór fá frest til að bæta við undirskriftum Hættuástand í Grindavík og æsispennandi forsetakosningar Gefur lítið fyrir útskýringar fréttastjórans Handteknir á hlaupum eftir vopnað rán í Reykjavíkurapóteki Björk varar við frumvarpi um sjókvíeldi Uppgangur Höllu Hrundar fari fyrir brjóstið á „valdastéttinni“ Mikil gleði þegar Bergur komst í mark Segir engin annarleg sjónarmið að baki ákvörðun RÚV Hraun mjakast yfir varnargarð Ný gossprunga geti opnast fyrirvaralaust á næstunni Allt að gerast í Vík í Mýrdal um helgina Stór gossprunga gæti opnast fyrirvaralaust Sjá meira