Viðskipti innlent

Guðfinna S. Bjarnadóttir tekur við stjórnarformennsku í Hörpu

Stefán Ó. Jónsson skrifar
VISIR/GVA
Guðfinna S. Bjarnadóttir, framkvæmdastjóri, mun taka við formennsku í stjórn Hörpu á hluthafafundi sem haldinn verður fimmtudaginn 13. mars.



Þetta kemur fram í tilkynningu fjármála- og efnahagsráðuneytisins.

Guðfinna tekur við af tekur við af Helgu Jónsdóttur sem baðst lausnar vegna starfa erlendis. 

Guðfinna er með doktorsgráðu í atferlisfræði með áherslu á stjórnun auk BA- og MA-gráðu í sálfræði. Guðfinna hefur sinnt margvíslegum trúnaðarstörfum og setið í stjórnum fjölda fyrirtækja og verkefna hér heima og erlendis.



Hún var fyrsti rektor Háskólans í Reykjavík og alþingismaður Sjálfstæðisflokksins frá 2007-2009. Guðfinna er meðeigandi og stjórnandi í LC Ráðgjöf og sem ráðgjafi hefur hún þjónað fjölmörgum fyrirtækjum og stofnunum víða um heim.

Í tilkynningu ráðuneytisins segir meðal annars að Guðfinna hlakki til að takast á við starfið enda sé verkefnið verðugt.

„Harpa er vel heppnuð, hún hefur þegar hlotið ýmsar viðurkenningar, m.a. evrópsk verðlaun fyrir arkitektúr á sl. ári, í vikunni var hún valin meðal fallegustu tónlistarhúsa heims, hljómburður í Eldborg telst meðal þess sem best þekkist og síðast en ekki síst auðgar Harpa mannlíf og menningu. Húsið er töfrandi tónlistar- og ráðstefnuhús sem hefur sitt eigið aðdráttarafl, þar komu t.d. ríflega 35 þúsund manns um helgina og nutu margvíslegra viðburða,“ segir Guðfinna.



Mest lesið


Fleiri fréttir

Sjá meira


×

Mest lesið