Badmintonstjarna í innivinnu

Ein fremsta badmintonkona landsins, Ragna Ingólfsdóttir, hefur verið ráðin í starf verkefnastjóra kynningarmála hjá Íþrótta- og Ólympíusambandi Íslands.

Ragna var valin úr stórum hópi umsækjenda en hún er með BA-gráðu í heimspeki og er í meistaranámi í lýðheilsuvísindum við HÍ.

Ragna mun hafa yfirumsjón með heimasíðu sambandsins og samfélagsmiðlum, svo sem Facebook.

Ragna mun svo vafalítið grípa til spaðans þegar hún þarf að teygja úr sér eftir langan dag við skrifborðið.