Lindsey Lohan útskrifuð og á leið til Evrópu

Leikkonan og Lindsey Lohan er útskrifuð úr meðferð og hefur bókað sér farmiða til Evrópu, aðra leið.

Hún mun þó snúa til baka til Bandaríkjana von bráðar þar sem upptökur á heimildamyndaröð um líf hennar hefjast í haust.



Vinir og ættingjar leikkonunnar vonast til að hún haldi sig frá vandræðum í þetta skipti en hún hefur hingað til átt erfitt með að fóta sig á beinu brautinni.



Nú mun leikkonan hafa skrifað lista með nöfnum yfir fólk sem hefur haft vond áhrif á hana og hennar lífstíl í gegnum tíðina. Um sextíu nöfn eru á listanum samkvæmt erlendum slúðurfréttum, þannig að ekki hefur verið skortur á vondum áhrifavöldum.