Ella Dís styrkist með hverjum degi

Sérstakur styrktardagur fyrir Ellu Dís verður haldinn á hárgreiðslustofunni Hair Doo á Dalvegi 18 á morgun frá klukkan 10 til 18.

Þá geta gestir og gangandi keypt ýmislegt til styrktar Ellu Dís, þar á meðal klippingu á Hair Doo, spá frá Sigríði Klingenberg, litun og plokkun á snyrtistofu Cirillu, súpu frá Kryddlegnum hjörtum, myndatöku hjá Röggu ljósmyndara og naglalökkun hjá Jenny naglasérfræðingi.

Þá geta þeir sem vilja einnig boðið í ýmislegt, þar á meðal söng hjá Alan Jones. Þá verður eitthvað um uppákomur og mun Ásdís Rán til dæmis stílisera og gefa góð ráð. 

Allur ágóði rennur til Ellu Dísar og fjölskyldu hennar en að sögn Rögnu Erlendsdóttur, móður Ellu Dísar, er líðan Ellu Dísar betri en oft áður.

"Síðan Ella fékk greiningu sem ég hjálpaði henni að fá frá lækni í Bretlandi í febrúar á síðasta ári fékk hún rétta meðferð sem felst í risaskömmtum af vítamínunum B2 og Q10. Hún hefur fengið sjón og heyrn til baka og þarf ekki lengur gleraugu né heyrnartæki. Hún styrkist með hverjum degi."

Fyrir þá sem ekki komast en vilja styrkja Ellu Dís þá hefur eigandi Hair Doo stofnaði styrktarreikning:

Reikningsnúmer: 0372-13-301582

Kennitala: 0507848009

Lífið á Facebook.