Innlent

Kastaði sér fyrir bíl í sveppavímu

Heimir Már Pétursson skrifar
Lögregla á Suðurnesjum segir mikila mildi að ekki fór verr en raun bar vitni þegar rúmlega tvítugur karlmaður kastaði sér fyrir bifreið í Reykjanesbæ í gærkvöld.

Annar fótur mannsins mun hafa lent undir framhjóli bifreiðarinnar, en ekki sé talið að hann hafi brotnað. Lögregla segir að maðurinn hafi greinilega verið undir miklum áhrifum fíkniefna og talaði samhengislaust en þó getað tjáð lögreglu að hann hefði borðað töluvert magn af ofskynjunarsveppum fyrr um kvöldið.

Ökumaður bifreiðarinnar tjáði lögreglu á vettvangi að maðurinn hefði komið stökkvandi frá skemmtistað, ber að ofan, og kastað sér fyrir bifreiðina. Hann hefði svo legið í götunni og öskrað í skamma stund áður en hann stóð upp og hljóp aftur að skemmtistaðnum.

Þegar lögreglumenn komu að staðnum stóð hann þar enn ber að ofan og var með ógnandi tilburði og hávaða við dyravörð og gesti staðarins. Hann var færður  á lögreglustöð og vistaður í fangaklefa þar til víman var runnin af honum.

Mest lesið


Fleiri fréttir

Sjá meira


×

Mest lesið