Hver tekur við liði ÍA?

Það er mikið spáð í það hver muni taka við liði ÍA fyrst Þórður Þórðarson er hættur. Skagamenn buðu Pétri Péturssyni starfið en hann afþakkaði það.

Margir héldu að Þórður Guðjónsson myndi taka að sér starfið en hann hefur útilokað þann möguleika.

Nokkrir áhugaverðir þjálfarar eru á lausu eins og Þorvaldur Örlygsson sem hætti hjá Fram á dögunum. Kristján Guðmundsson er einnig á lausu eftir að hafa þjálfað í Pepsi-deildinni síðustu ár.

Dean Martin mun stýra ÍA í bikarnum á morgun og hann gæti hreppt hnossið.

Einnig hafa nöfn Zorans Miljkovic og Sigurðar Jónssonar verið í loftinu. Guðjón Þórðarson er einnig atvinnulaus en ekki er talið líklegt að ÍA vilji ráða hann á nýjan leik.