Fjöldi nýliða á þingi

Einungis fjórtán þingmenn af 63 sem sátu á Alþingi fyrir bankahrunið árið 2008 myndu sitja á þingi eftir kosningar 27. apríl næstkomandi verði niðurstöður kosninganna í takti við niðurstöður skoðanakannana sem hafa birst að undanförnu.

Þeir þingmenn sem eftir sitja eru:

Árni Páll Árnason

Árni Þór Sigurðsson

Bjarni Benediktsson

Einar K. Guðfinnsson

Helgi Hjörvar

Höskuldur Þórhallsson

Katrín Jakobsdóttir

Katrín Júlíusdóttir

Kristján Möller

Pétur Blöndal

Ragnheiður E. Árnadóttir

Ragnheiður Ríkharðsdóttir

Steingrímur J. Sigfússon

Össur Skarphéðinsson.

Gunnar Helgi Kristinsson, prófessor í stjórnmálafræði, sagði í samtali við fréttastofu Stöðvar 2 og Vísis í gær að stjórmálamenn megi ekki vera of öruggir um sig. „Hins vegar verður til í þinginu ákveðin þekking og reynsla sem kemur þinginu, stjórnmálaflokkunum og almennt séð stjórnmálalífinu að gagni. Það er mjög óheppilegt ef það tapast allt út á einu bretti,“ sagði hann.