Ákvörðun Steingríms stórtíðindi

„Þetta eru auðvitað stórtíðindi," segir Katrín Jakobsdóttir, menntamálaráðherra og varaformaður Vinstri Grænna. Eins og greint hefur verið frá hefur Steingrímur J. Sigfússon, atvinnuvega- og nýsköpunarráðherra og formaður Vinstri Grænna, ákveðið að gefa ekki kost á sér til endurkjörs á landsfundi flokksins um næstu helgi.

„Ég og Steingrímur höfum átt gott samstarf í gegnum árum," segir Katrín.

Í erindi sínu í Norræna húsinu í dag sagði Steingrímur að kynslóðaskipti og endurnýjun vera nauðsynleg í stjórnmálastarfi sem annars staðar. „Því met ég það svo að nú sé tímabært fyrir Vinstrihreyfinguna - grænt framboð að ráðast í breytingar að þessu leyti og sjálfur horfi ég til þess fullur tilhlökkunar að halda baráttunni áfram að baki nýrri forustu," sagði Steingrímur.

Katrín vildi lítið gefa upp um hvort að hún hefði í hyggju að gefa kost á sér í formannsembætti flokksins.