Þórsurum líður vel í Lautinni

Hvítklæddir Þórsarar gerðu góða ferð suður til Reykjavíkur þegar liðið lagði Fylki 4-1 í 5. umferð Pepsi-deildar karla í gærkvöldi.

Óhætt er að segja að útivellir hafi ekki reynst Þórsurum vel því þetta var fyrsti sigur liðsins síðan liðið vann 1-0 sigur á Fram þann 7. maí 2011.

Einu stig Þórsarar á útivöllum síðan þá hafa komið á Fylkisvelli. Fylkir og Þór skildu jöfn 1-1 sumarið 2011 og svo komu langþráð þrjú stig í hús í Árbænum í gærkvöldi.

Samantekt Óskars Ófeigs Jónssonar má sjá hér að neðan.

Síðustu þrettán útileikir Þórsara í efstu deild

Á Fylkisvellinum

2 leikir - 4 stig

1 sigur - 1 jafntefli - 0 töp

Markatala: 5-2, +3

Á öðrum völlum

11 leikir - 0 stig

0 sigrar - 0 jafntefli - 11 töp

Markatala: 8-35, -27