Lætur lægðina ekki á sig fá

John Travolta segir að skortur á kvikmyndaverkefnum fari ekki fyrir brjóstið á honum. Hann telur sig njóta blessunar því hann er enn starfandi eftir fjörutíu ár í bransanum.

"Þú verður að skilja bakgrunn minn. Ég kem úr lágstéttarfjölskyldu og við höfðum ekki mikið á milli handanna, en við nýttum okkur listina. Þú ert að tala við mann sem starfar við það sem honum er kærast; að leika, syngja og dansa. Svo allar lægðir í leikaraferlinum hafa ekki haft mikið að segja," sagði Travolta í viðtali við blaðamann The Guardian.

Það eru ekki lægðirnar sem rista djúpt hjá leikaranum heldur áföllin.

"Hið eina sem virkilega hafði áhrif á mig voru dauðsföllin. Þau voru mörg og höfðu djúpstæð áhrif.?"