Nánast blindur á vinstra auga

Johnny Depp hefur verið nánast alveg blindur á vinstra auga síðan hann fæddist. Lone Ranger-leikarinn er einnig nærsýnn á hægra auga.

Í viðtali við tímaritið Rolling Stone sagði hann að öll gleraugun sem hann notar og hefur verið myndaður með hafi verið fengin í gegnum augnlækni.

„Allt er mjög, mjög þokukennt. Ég hef aldrei haft almennilega sjón,“ sagði Depp.

Hann bætti því við að hann gæti aðeins séð örstutt frá sér ef hann er að leika persónu sem notar ekki gleraugu eða sólgleraugu.