Ítreka gagnrýni vegna Eldvarpa

Landvernd hefur sent Skipulagsstofnun athugasemdir við tillögu að matsáætlun HS Orku vegna rannsóknarborana í Eldvörpum. Samtökin ítreka fyrra álit sitt að ekki beri að hrófla við Eldvörpum en benda jafnframt á mikilvægi þess að rannsóknarboranir valdi sem minnstu raski verði af þeim á annað borð.

Í álitinu leggja samtökin sérstaka áherslu á að rökstyðja þurfi betur fjölda borhola, ekki síst í ljósi þess að ef til vill verði ekki af nýtingu á svæðinu. Þá telja samtökin að rökstyðja þurfi betur það álit framkvæmdaraðila að ekki sé líklegt að hægt verði að nota borplan sem þegar er á svæðinu, en Landvernd leggur mikla áherslu á að fundnar verði leiðir til þess. - shá