Innlent

Mættur til London

Kolbeinn Tumi Daðason skrifar
Frá vinstri: Jón Viðar, Gunnar, John Kavanach og Haraldur Dean.
Frá vinstri: Jón Viðar, Gunnar, John Kavanach og Haraldur Dean.
Bardagakappinn Gunnar Lúðvík Nelson er mættur ásamt fylgdarliði sínu til London. Gunnar mætir Brasilíumanninum Jorge Santiago frá Brasilíu í UFC-keppninni á Wembley á laugardaginn.

Gunnar flaug utan til Englands eldsnemma í morgun. Með í för voru Jón Viðar Arnþórsson, framkvæmdastjóri Mjölnis, Haraldur Dean Nelson, umboðsmaður og faðir Gunnars auk þjálfarans John Kavanach.

Á Facebook-síðu Mjölnis var birt mynd af hinum fræknu fjórum en óhætt er að segja að Gunnar skarti svip sem hann er ekki sérstaklega þekktur fyrir. Alla jafna er svipur Gunnars í takt við hans stóísku ró en ekki í þetta skiptið.

Gunnar hafði áritað 200 plaköt þegar myndin var tekin auk þess sem þeir höfðu fengið húfur og boli að gjöf frá UFC.

Gunnar mætir Jorge Santiago á laugardagskvöldið klukkan 20. Bardaginn verður í beinni útsendingu á Stöð 2 Sport.


Tengdar fréttir

Gunnar Nelson í búrinu | Myndir

Gunnar Nelson undirbýr sig nú af krafti fyrir bardagann gegn Jorge Santiago frá Brasilíu í UFC-keppninni sem fram fer á Wembley næsta laugardag. Gunnar hefur æft stíft með keppnisliði Mjölnis undanfarna mánuði.

Gunnar Nelson og CCP taka höndum saman

Íslenska tölvuleikjafyrirtækið CCP er nýr stuðningsaðili baradagamannsins Gunnars Nelson. Eins og sjá má á meðfylgjandi ljósmynd reyndust samningaviðræður CCP og Gunnars erfiðar.

Mundi hiklaust veðja á Gunnar Nelson

„Gunni er á mjög hraðri uppleið og er töluvert meira en bara efnilegur, hann er einn af bestu mönnum í heimi í gólfglímu. Mér finnst fólk þó eiga til að gleyma því að allt getur gerst í svona bardaga. Það geta allir tapað.“

Bjart yfir heimi bardaganna

John Kavanagh er aðalþjálfari íþróttafélagsins Mjölnis. Hann hefur verið viðriðinn blandaðar bardagalistir um árabil og er afar hrifinn af landi og þjóð. Hann býst við miklu af Gunnari Nelson og segir framtíðina bjarta hjá íslenskum bardagaköppum.

Mest lesið


Fleiri fréttir

Sjá meira


×

Mest lesið