Aukinn kaupmáttur launa hjá VR Ólafía B. Rafnsdóttir skrifar 14. september 2013 07:00 Við hjá VR erum ánægð að sjá að starf okkar á undanförnum árum hefur borið árangur, en samkvæmt launakönnun hækkuðu heildarlaun VR-félaga um tæplega 7% á milli áranna 2012 og 2013, sem er ívið meira en launavísitala Hagstofunnar á sama tíma. Kaupmáttur jókst um tæp 3% og er það gleðiefni. En þrátt fyrir að við sjáum bata hjá okkar félögum á vinnumarkaði eru heimili landsins enn að glíma við hátt vöruverð og aukinn kostnað. Okkar brýnasta verkefni er því að tryggja aukinn kaupmátt.Launamunur kynjanna og jafnrétti VR hefur unnið markvisst að því um árabil að útrýma launamun kynjanna og mun halda þeirri vinnu áfram þar til markmiðið næst. Samkvæmt könnuninni er kynbundinn launamunur 9,4% og er því miður óbreyttur frá síðasta ári, þess má þó geta að kynbundinn launamunur hefur lækkað mikið á síðustu árum, en árið 2000 var munurinn 15,3%. Þennan mun er ekki hægt að skýra með lengri vinnutíma karla, menntun þeirra eða hærri stöðu. Þetta er óútskýrður kynbundinn launamunur sem á ekki að þrífast í nútímaþjóðfélagi. Stjórntæki okkar í þessari baráttu er Jafnlaunavottun VR sem kynnt var í upphafi þessa árs, það er öflugt tæki fyrir atvinnurekendur til að tryggja að konur og karlar fái sömu laun fyrir sömu vinnu. Jafnlaunavottunin byggir á viðurkenndri aðferðafræði sem virkar. Þegar hafa ellefu fyrirtæki og stofnanir fengið Jafnlaunavottun VR og geta með sanni sagt að hjá þeim ríki jafnrétti kynjanna til launa. VR bindur miklar vonir við að Jafnlaunavottunin muni skila áþreifanlegum árangri í baráttunni fyrir jafnrétti innan örfárra ára.Forysta VR VR hefur verið í forystu í baráttunni fyrir jafnrétti karla og kvenna undanfarin ár og áratugi. Margt hefur áunnist í þeirri baráttu og ruddi VR meðal annars brautina fyrir nýjum fæðingarorlofslögum fyrir rúmum áratug, þegar félagið hóf að greiða félagsmönnum 80% laun í fæðingarorlofi úr sjúkrasjóði félagsins. Einnig hefur VR staðið fyrir herferðum um jafnréttismál sem iðulega hafa vakið mikla athygli og vitundarvakningu um stöðu kynjanna á vinnumarkaði.Millitekjuhópurinn og starfsmennt á oddinn Millitekjuhópurinn tók á sig mikla kjaraskerðingu í hruninu, en þeir sem hafa hærri laun hafa fengið meiri hækkanir á sín laun. Millitekjuhópurinn er stór hópur á vinnumarkaðinum sem hefur lagt hvað mest af mörkum við að koma atvinnulífinu aftur í gang. VR mun berjast fyrir því að rétta hlut þessara félagsmanna í næstu kjarasamningum. Verkalýðshreyfingin hefur ætíð lagt kapp á að styrkja stöðu þeirra sem hafa lægstu launin og var megináhersla lögð á að verja kaupmátt lágmarkslauna í síðustu kjarasamningum. Það skilaði áþreifanlegum árangri – en verkinu er ekki lokið. Við verðum sífellt að leita nýrra leiða til að efla félagsmenn okkar í starfi og bæta kjör þeirra. Það er ástæða þess að VR mun leggja áherslu á starfsmenntamálin í þessum kjarasamningaviðræðum, einkum menntun og fræðslu starfsmanna í verslun og þjónustu. Aukin menntun felur í sér ný tækifæri og við viljum leggja félagsmönnum lið við að auka þekkingu sína og bæta þar með kjör sín. Við förum inn í kjarasamningaviðræðurnar með nýjar tillögur í farteskinu og bindum vonir við að allir leggist á eitt til að tryggja réttláta niðurstöðu. Viltu birta grein á Vísi? Sendu okkur póst. Senda grein Mest lesið Útrýming mannsins á RÚV Vala Hafstað Skoðun Riðið á Bessastöðum? Guðmunda G. Guðmundsdóttir Skoðun Söngvakeppni og stríðsglæpir Ragnhildur Hólmgeirsdóttir Skoðun Heillandi Halla Hrund Stefán Hilmarsson Skoðun Leikskólakennara á eftirlaunum er ofboðið Ásdís Ólafsdóttir Skoðun Frambjóðandi Sjálfstæðisflokksins? Hjörtur J. Guðmundsson Skoðun Já, Katrín Hjálmar Sveinsson Skoðun Forseti allra Ragnhildur Björt Björnsdóttir Skoðun Umræðan um dánaraðstoð Henry Alexander Henrysson Skoðun Að lifa í skugga heilsubrests Svanberg Hreinsson Skoðun Skoðun Skoðun Forseti allra Ragnhildur Björt Björnsdóttir skrifar Skoðun Ný nálgun í afreksíþróttum – Nýsköpun Erlingur Jóhannsson skrifar Skoðun Prófsteinninn Katrín Harðardóttir skrifar Skoðun Innrás á Rafah stríðir gegn allri mannúð Guðmundur Ingi Guðbrandsson skrifar Skoðun Börnin okkar Hlédís Sveinsdóttir skrifar Skoðun Vextir geta og þurfa að lækka Finnbjörn A. Hermannsson skrifar Skoðun Söngvakeppni og stríðsglæpir Ragnhildur Hólmgeirsdóttir skrifar Skoðun Leikskólakennara á eftirlaunum er ofboðið Ásdís Ólafsdóttir skrifar Skoðun Óttasleginn mömmuher og Eurovision Birna Guðný Björnsdóttir skrifar Skoðun Já, Katrín Hjálmar Sveinsson skrifar Skoðun Frambjóðandi Sjálfstæðisflokksins? Hjörtur J. Guðmundsson skrifar Skoðun Heillandi Halla Hrund Stefán Hilmarsson skrifar Skoðun Riðið á Bessastöðum? Guðmunda G. Guðmundsdóttir skrifar Skoðun Að lifa í skugga heilsubrests Svanberg Hreinsson skrifar Skoðun Umræðan um dánaraðstoð Henry Alexander Henrysson skrifar Skoðun Útrýming mannsins á RÚV Vala Hafstað skrifar Skoðun Opið bréf til samgönguráðherra og vegamálastjóra Hópur ferðaþjóna í Dölunum skrifar Skoðun Hugleiðingar ellilífeyrisþega um landsmálin og orkumálin Ingimundur Andrésson skrifar Skoðun Að tilheyra - Fjölmenningarþing Reykjavíkur Magnea Gná Jóhannsdóttir skrifar Skoðun Katrínu sem forseta Stefán Friðrik Stefánsson skrifar Skoðun Fegin að vera frekar spurð hvaðan ég sé, en „hverra manna ertu“ Matthildur Björnsdóttir skrifar Skoðun Þekking á naloxone nefúða getur bjargað lífi Hildur Vattnes Kristjánsdóttir skrifar Skoðun Svik forsetaframbjóðanda við börnin á Gaza Salvör Gullbrá Þórarinsdóttir skrifar Skoðun Getum við breytt fortíðinni? Ásgeir Jónsson skrifar Skoðun Á að banna TikTok? Óttar Birgisson skrifar Skoðun Gerum góðan dal enn betri Eiríkur Hjálmarsson skrifar Skoðun Ný norræn stjórnarskrá Hrannar Björn Arnarsson,Ragnheiður Þórarinsdóttir skrifar Skoðun Getum við verið hamingjusöm í vinnunni? Héðinn Sveinbjörnsson skrifar Skoðun Þessum treysti ég til þess að standa vörð um okkar hagsmuni, landið okkar og okkar mannréttindi Ólafur Tryggvi Sigmarsson skrifar Skoðun Stærsta loftslagsráðstefna í heimi Nótt Thorberg skrifar Sjá meira
Við hjá VR erum ánægð að sjá að starf okkar á undanförnum árum hefur borið árangur, en samkvæmt launakönnun hækkuðu heildarlaun VR-félaga um tæplega 7% á milli áranna 2012 og 2013, sem er ívið meira en launavísitala Hagstofunnar á sama tíma. Kaupmáttur jókst um tæp 3% og er það gleðiefni. En þrátt fyrir að við sjáum bata hjá okkar félögum á vinnumarkaði eru heimili landsins enn að glíma við hátt vöruverð og aukinn kostnað. Okkar brýnasta verkefni er því að tryggja aukinn kaupmátt.Launamunur kynjanna og jafnrétti VR hefur unnið markvisst að því um árabil að útrýma launamun kynjanna og mun halda þeirri vinnu áfram þar til markmiðið næst. Samkvæmt könnuninni er kynbundinn launamunur 9,4% og er því miður óbreyttur frá síðasta ári, þess má þó geta að kynbundinn launamunur hefur lækkað mikið á síðustu árum, en árið 2000 var munurinn 15,3%. Þennan mun er ekki hægt að skýra með lengri vinnutíma karla, menntun þeirra eða hærri stöðu. Þetta er óútskýrður kynbundinn launamunur sem á ekki að þrífast í nútímaþjóðfélagi. Stjórntæki okkar í þessari baráttu er Jafnlaunavottun VR sem kynnt var í upphafi þessa árs, það er öflugt tæki fyrir atvinnurekendur til að tryggja að konur og karlar fái sömu laun fyrir sömu vinnu. Jafnlaunavottunin byggir á viðurkenndri aðferðafræði sem virkar. Þegar hafa ellefu fyrirtæki og stofnanir fengið Jafnlaunavottun VR og geta með sanni sagt að hjá þeim ríki jafnrétti kynjanna til launa. VR bindur miklar vonir við að Jafnlaunavottunin muni skila áþreifanlegum árangri í baráttunni fyrir jafnrétti innan örfárra ára.Forysta VR VR hefur verið í forystu í baráttunni fyrir jafnrétti karla og kvenna undanfarin ár og áratugi. Margt hefur áunnist í þeirri baráttu og ruddi VR meðal annars brautina fyrir nýjum fæðingarorlofslögum fyrir rúmum áratug, þegar félagið hóf að greiða félagsmönnum 80% laun í fæðingarorlofi úr sjúkrasjóði félagsins. Einnig hefur VR staðið fyrir herferðum um jafnréttismál sem iðulega hafa vakið mikla athygli og vitundarvakningu um stöðu kynjanna á vinnumarkaði.Millitekjuhópurinn og starfsmennt á oddinn Millitekjuhópurinn tók á sig mikla kjaraskerðingu í hruninu, en þeir sem hafa hærri laun hafa fengið meiri hækkanir á sín laun. Millitekjuhópurinn er stór hópur á vinnumarkaðinum sem hefur lagt hvað mest af mörkum við að koma atvinnulífinu aftur í gang. VR mun berjast fyrir því að rétta hlut þessara félagsmanna í næstu kjarasamningum. Verkalýðshreyfingin hefur ætíð lagt kapp á að styrkja stöðu þeirra sem hafa lægstu launin og var megináhersla lögð á að verja kaupmátt lágmarkslauna í síðustu kjarasamningum. Það skilaði áþreifanlegum árangri – en verkinu er ekki lokið. Við verðum sífellt að leita nýrra leiða til að efla félagsmenn okkar í starfi og bæta kjör þeirra. Það er ástæða þess að VR mun leggja áherslu á starfsmenntamálin í þessum kjarasamningaviðræðum, einkum menntun og fræðslu starfsmanna í verslun og þjónustu. Aukin menntun felur í sér ný tækifæri og við viljum leggja félagsmönnum lið við að auka þekkingu sína og bæta þar með kjör sín. Við förum inn í kjarasamningaviðræðurnar með nýjar tillögur í farteskinu og bindum vonir við að allir leggist á eitt til að tryggja réttláta niðurstöðu.
Skoðun Fegin að vera frekar spurð hvaðan ég sé, en „hverra manna ertu“ Matthildur Björnsdóttir skrifar
Skoðun Þessum treysti ég til þess að standa vörð um okkar hagsmuni, landið okkar og okkar mannréttindi Ólafur Tryggvi Sigmarsson skrifar