Griðland hvala stækkað

Steingrímur J. Sigfússon atvinnuvegaráðherra hefur ákveðið að stækka verulega griðasvæði Faxaflóa þannig að svæðið nái frá Garðskagavita og í beina línu að Skógarnesi. Þetta kemur fram á vef atvinnuvegaráðuneytisins.

Þar kemur fram að í ljósi þess að hvalveiðitímabil er nú að hefjast óskaði ráðherra eftir tillögum nefndar, sem  nú er að störfum í tengslum við stefnumörkun í hvalveiðimálum, um það hvernig griðasvæði hvala skyldi afmarkað í Faxaflóa. Meirihluti nefndarinnar telur ljóst að umfang hvalaskoðunar og þjóðhagslegt mikilvægi hennar hafi aukist á undanförnum árum og mikilvægt sé að umgjörð hvalaskoðunar og hvalveiða sé með þeim hætti að ásættanlegt teljist fyrir báðar atvinnugreinar. Það er á þeirri forsendu sem ráðherra komst að fyrrgreindri niðurstöðu.

Ráðherra að leiðarljósi hagsmuni hvalaskoðunar- og hvalveiðifyrirtækja við ákvörðunina og jafnframt hafi verið stuðst við tillögur meirihluta nefndarinnar.  Ákvörðun ráðherra um nýtt griðasvæði hvalveiða í Faxaflóa gangi skemur en tillögur meirihluta nefndarinnar. Nýtt griðasvæði hvala í Faxaflóa afmarkast nú frá Garðskagavita og beina línu norður að Skógarnesi. Ákveðið var hins vegar að griðasvæði hvala á Skjálfandaflóa skuli vera óbreytt.