Fyrirsætan Miranda Kerr með eltihrelli

Ofurfyrirsætan Miranda Kerr lenti í heldur óskemmtilegu atviki á dögunum þegar maður að nafni Steven C. Swanson frá Massachusetts í Bandaríkjunum hótaði að fljúga til Los Angeles og myrða hana.

Samkvæmt erlendum fréttaveitum hringdi Swanson sjálfur í lögregluna og útlistaði hvernig hann ætlaði að „bjarga“ fyrirsætunni sem hann vill meina að sé sálufélagi sinn.

Þegar lögreglan handtók Swanson á heimili hans kom í ljós að hann hafði þakið íbúð sína með myndum af Kerr.

Einnig gerði lögreglan upptæka loftbyssu á heimilinu.

Svo virðist sem maðurinn gangi ekki heill til skógar en verjandi hans segir hann þjást bæði af geðhvörfum og geðklofa og hafa hætt að taka lyfin sín.