Ljón drap ljónynju fyrir framan gesti dýragarðsins í Dallas | Myndband

Ótrúlegt atvik átti sér stað í dýragarði í Bandaríkjunum, nánar tiltekið í Dallas, þegar ljón varð ljónynju að bana.

Í fyrstu virtust dýrin vera í leik en það kom fljótlega í ljós að svo var ekki. Ljónið beit ljónynjuna harkalega í hálsinn með fyrrgreindum afleiðingum.

Atvikið átt sér stað í dýragarðinum Dallas Zoo og horfðu fjölmargir gestir skelfingu lostin á ljónið athafna sig.

Ljónynjan, sem bar nafnið Johari, var nýorðin fimm ára en haldið var uppá afmælisdaginn með pompi og prakt í dýragarðinum.

Samkvæmt yfirlýsingu frá forsvarsmönnum dýragarðsins eiga tvö ljón að hafa ráðist á ljónynjuna með ofsafengnum hætti en samkvæmt sjónarvottum var aðeins eitt ljón að verki.

„Þetta er atvik sem ég mun aldrei gleyma,“ sagði einn sjónarvotta við bandaríska fjölmiðla.

Lynn Kramer, dýralæknir Dallas Zoo, segir einnig í yfirlýsingu frá dýragarðinum að dánarörsökin hafið verið sú að dýrið hafi kafnað.

Dýragarðurinn var umsvifalaust lokaður eftir atvikið og öllum gestum svæðisins vísað tímabundið úr garðinum.

Hér að neðan má sjá viðtöl við gesti garðsins og myndir og myndbönd af atvikinu.