Færeyskur liðsstyrkur til Ólafsvíkur

Karl Abrahamsson Løkin gekk í dag til liðs við Víkings Ólafsvík frá NSÍ Runavík í Færeyjum. Frá þessu er greint á heimasíðu Víkings Ólafsvíkur.

Karl er 21 árs miðjumaður og á að baki leiki með U21 landsliði Færeyja og einn A-landsleik á þessu ári.  Auk þess var hann einn af lykilmönnum í liði NSÍ á síðastliðnu keppnistímabili.

Karl er kominn til landsins og er væntanlegur til Ólafsvíkur seinna í dag. Hann er kominn með leikheimild og því löglegur fyrir leikinn gegn Frömurum á sunnudaginn. Hann mun æfa með liðinu í fyrsta skipti á morgun.