Jón Arnór: Var ekki sáttur við spilatímann

Jón Arnór Stefánsson, leikmaður CAI Zaragoza, var nokkuð sáttur við frammistöðu liðsins gegn Real Madrid þrátt fyrir að liðinu hafi verið sópað út úr undanúrslitunum 3-0.

„Við svona héldum í við þá fyrstu þrjá leikhlutana og vorum að spila vel,“ sagði Jón Arnór Stefánsson, leikmaður CAI Zaragoza,  eftir leikinn í gær.

„Maður hafði það samt í raun alltaf á tilfinningunni í seinni hálfleiknum að þeir myndu klára leikinn.“

„Heimvöllurinn hjálpaði okkur mikið í kvöld og þvílík læti í okkar áhorfendum allan leikinn. Það var löngu uppselt og frábært að spila í okkar höll.“

„Ég var kannski ekki sáttur með það hversu lítið ég fékk að spila í leiknum í kvöld. Við stóðum okkur vel í einvíginu.“

Hægt er að sjá myndbandið hér að ofan.