Ætti að vera bannað að kalla fólk feitt í sjónvarpi

Fyrst settar eru reglur til að vernda börn gegn sígarettum og dónalegum orðum í sjónvarpi ætti líka að setja reglur sem banna fólki að kalla einhvern feitan í sjónvarpinu, að mati leikkonunnar Jennifer Lawrence.

Hún segir að fjölmiðlar verði að vera meðvitaðir um áhrifin sem þeir hafa á ungar stelpur. Þær horfi á sjónvarpið til að fræðast um það hvernig best sé að öðlast vinsældir. Henni virðist sem svo að í sjónvarpinu þyki fyndið að gera grín að stelpum fyrir að vera feitar og í ljótum kjólum.