Dó næstum því úr of stórum skammti

Tónlistarmaðurinn Eminem opnar sig um fíkniefnaneyslu sína í nýrri heimildarmynd sem ber nafnið How to Make Money Selling Drugs. Eminem fór í meðferð árið 2005 og segir í heimildarmyndinni að fíkniefnaneyslan hefði dregið hann til dauða hefði hann ekki hætt.

“Botninn hefði verið dauði. Ég veit ekki hvenær neyslan byrjaði að vera vandamál. Ég man bara að mér fannst þetta betra og betra,” segir Eminem sem var við dauðans dyr eitt sinn er hann tók of stóran skammt af svefnpillum.

“Ég hefði dáið hefði ég komið á sjúkrahúsið tveimur tímum seinna. Öll líffæri mín voru að gefa sig. Læknarnir héldu að ég myndi ekki hafa það af.”

Dragðu Tarotspil dagsins hér.