Innlent

Mikið kapp í mönnum á loðnumiðunum

Góð loðnuveiði er nú suður af Hornafirði og mikið kapp í mönnum eftir að kvótinn var aukinn í vikunni.

Nú er hver sótraftur á sjó dreginn, eins og sjómenn orða það, til að ná öllum kvótanum. Þannig var rykið dustað af gamla Víkingi AK, sem er orðinn liðlega hálfrar aldar gamall, og átti hann skammt ófarið á miðin í morgun.

Þetta er hinsvegar síðasti veiðidagur Norðmanna hér við land á þessari vertíð, og verða norsku skipin tíu, að hætta veiðum á miðnætti.




Fleiri fréttir

Sjá meira


×