Biðin orðin löng og erfið

Ríkisfangslaus kona sem búið hefur á Íslandi í átta ár bíður enn eftir því að fá dvalarleyfi hér á landi. Hún er svo gott sem réttindalaus á Íslandi þrátt fyrir að hafa borgað skatta hér í mörg ár. 

Toshiki Toma, prestur innflytjenda, skrifaði um málið í Morgunblaðið í dag.

Lika Korinteli hún fæddist árið 1970 í Abkasíuhéraði í Georgíu. Í dag segist Abkasía vera sjálfstæð þjóð á meðan Georgía telur hana hluta af georgísku þjóðinni. Allir formlegir pappírar Liku voru á skjalasafni í heimaborg hennar í Abkasíu, sem brann í stríðinu árið 1992. Lika fluttist til Íslands árið 2005 og hefur síðustu ár starfað hjá KSÍ.

Lika á enga fjölskyldu í Georgíu, en hún er einkabarn og foreldrar hennar látnir. Hér á landi á hún aftur á móti mikið af vinafólki sem hefur reynst henni vel.

Lika hefur unnið hér á landi og greitt skatta í mörg ár hefur ekki aðgang að velferðarkerfinu þar sem hún er aðeins með bráðabrygðardvalarleyfi. Pappírsleysið hefur gert henni erfitt fyrir og hefur umsóknum hennar um stöðu flóttamans og dvalarleyfi af mannúðaraðstæðum verið hafnað.

Þrátt fyrir erfiðleika með að fá dvalarleyfi þráir Lika ekkert heitar en að geta búið á Íslandi. „Nú er ég búin að vera flóttamaður í tuttugu ár. Biðin eftir því að hefja nýtt líf er orðin löng og erfið. Allt mitt er hér á Íslandi,“ segir Lika.